پرسیار // ئایا دروستە دوعا بکەیت بلیت خوایە ئەگەر تۆ فلانە کارم بۆ بکەیت منیش فلانە کردەوەت بۆ دەکەم ؟
وەلام // سەرەتا دەلێین واجبە موسلمان پێغەمبەری خوا سەلامی خوای لێ بێت بە گەورە دابنێت ، کە ئەمە بنچینەیێکی گرینگی ئەهلی سونەیە ، بەلام بە گەورە دانانێک سنور نەبەزێندرێت ، وە واجبە بە ڕەوشت بیت بەرامبەر بە پێغەمبەر و سونەتی پێغەمبەر ، ئەی چۆن دەبێت خوای گەورە بە گەورە دانەنێیت و بە ڕەوشت نەبیت بەرامبەر بە خوا کە خوا لە گەل هیچ دروست کراوێک بەراورد ناکرێت ؟!!!
ئەگەر یەکێک بلێت خوایە ئەگەر تۆ فلانە کارم بۆ بکەیت منیش فلانە کردەوە یان کارت بۆ دەکەم ئەم سێ حالەتانەن :
حالەتی یەکەم : ئەگەر کەسەکە وا بلێت بیروباوەری وابێت خوای گەوره پێویستی بە ئەوە یان خوای گەورە هەژارە ، ئەمە کوفرە ، چونکە چەندین ئایەت هاتوون ڕوون و ئاشکران کە خوای گەورە دەولەمەندە و پێویستی بە هیچ و کەس نییە .
حالەتی دووەم : ئەگەر کەسەکە وا بلێت بیروباوەڕی وابێت خوای گەورە دەولەمەندە ، بەلام تووشی گومانی خراپ بووە بەرامبەر خوای گەورە ، دەلێین حالەت هەیە تووشی کوفر بووە ، وە ھەندێک دەلێن کەمترین شتیش ئەوەیە کە ئەو گومان خراپییە بەرامبەر بە خوا چاکەی مرۆڤ دەبات ، زانایان دەلێن لەبەر ئەوە حەسوودی چاکە دەخوات هەروەک چۆن ئاگر دار دەخوات ، چونکە گومانی خراپ بردن بەرامبەر خوای گەورەی تێدایە .
حالەتی سێیەم : ئەگەر کەسێک وا بلێت ، بیرو باوەری وابێت خوای گەورە دەولەمەندە و گومانی باشیش بەخوای گەورە ببات ، دروست نییە و نابێت ، چونکە بێ ڕەوشتییە بەرامبەر بە خوای گەورە .
خوای گەورە ناو سیفەتەکانی هەمووی تەواون ، کردەوەکانی هەمووی حیکمەتی لەگەل دایە و دادپەروەری و سۆز و بە زەیی تێدایە ، نابێت گومانی خراپ پێی ببەیت و بێ ڕەوشت بیت بەرامبەری ، مڕۆڤ شەرم لە بەندەیەکی باش دەکات و بێ ڕەوشتی بەرامبەری ناکات و گومانی خراپی پێی نابات ، ئەی چۆن دەبێت بێ ڕەوشت بیت بەرامبەر بە خوا و گومانی خراپی پێ ببەیت کە مرۆڤ و خوا لە گەل یەکتر بەراورد ناکرێن ؟!!!!
ــــــــــــــــــــــــــــــــــــــــــــــــــــــــــــــــــــــــــــــ