پرسیار // ئایا واجبە ئافرەت خۆی بشوات ئەگەر تووشی لەشگرانی بوو لە ھەمان کاتدا لە حەیزیش دا بێت ؟
وەڵام // زانایان دەڵێن واجب نییە ئافرەت خۆی بشوات ئەگەر تووشی لەشگرانی بوو لە کاتی حەیز ، چونکە خۆی بشوات و نەشوات بێ نوێژی لەسەری ماوە و ناتوانێت نوێژ بکات ، بەلکو دەکرێت خۆی بشوات بۆ ئەوەی تەنھا لەشگرانی لەسەری بڕوات .
ابن قدامە ڕەحمەتی خوای لێ بێت دەفەرمووێت : (( ئەگەر ئافرەت خۆی شووشت لە لەشگرانی لەکاتی حەیزدا ، ئەوە خۆشۆردنەکەی دروستە ، حوکمی لەشگرانی لەسەری لاچووە ، ئیمام ئەحمەد دەقی لەسەر ئەمە ھەیە ، دەڵێت : لەشگرانی لادەچێت ، حەیز لاناچێت ھەتا خوێن قطع دەبێت " دەوەستێت " ، دەڵێت نەم زانیووە کەس بڵێت : نابێت خۆی بشوات ئیلا عطاء نەبێت ، لە ئەویش نقل کراوە وتەی ھەیە دەڵێت دەکرێ خۆی بشوات . )) "المغني" (1/134) .
لەوانەیە یەکێک بڵێت : ئەگەر ئافرەت خۆشی بشوات کاتی لەشگرانی ھیچ سوودی نییە ، بۆچی خۆی بشوات ؟
وەڵام : زانایان دەڵێن ڕاستە حەیزی لەسەر لانەچووە و ناتوانێ نوێژ بکات ، بەڵام ئەگەر لەشگرانی لەسەری لابچێت دەتوانێت بە لەبەر قورئان بخوێنێتەوە " واتە حفظ " ، کە ئەمە وتەی زۆربەی زانایانە دەڵێن لەشگران ناتوانێت قورئان بخوێنێتەوە بە لەبەر و دەست لێدان ، بەڵام ئەگەر لە حەیزدا بێت وتەی ڕاست ئەوەیە کە دەتوانێت قورئان بە لەبەر بخوێنێتەوە .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ