دەقی وەڵام:

وەڵام // زانایان دەڵێن سونەتە سورەت بەقەڕە لە ماڵەوە بخوێندرێ ، شەیتان ڕا دەکات کاتێک گوێی لێ دەبێت ، بەڵگە :

عَنْ أَبِي هُرَيْرَةَ ، أَنَّ رَسُولَ اللهِ صَلَّى اللهُ عَلَيْهِ وَسَلَّمَ ، قَالَ : (( لَا تَجْعَلُوا بُيُوتَكُمْ مَقَابِرَ ، إِنَّ الشَّيْطَانَ يَنْفِرُ مِنَ الْبَيْتِ الَّذِي تُقْرَأُ فِيهِ سُورَةُ الْبَقَرَةِ )) رواه مسلم (780) .

واتە : لە ئەبو ھوڕەیڕە دەگێڕنەوە خوا لێی ڕازی بێت دەفەرمووێت : پێغەمبەر سەلامی خوای لێ بێت فەرمووی : (( ماڵی خۆتان مەکەن بە گۆڕستان ، شەیتان ڕادەکات لەو ماڵەی سورەتی بەقەڕەی تێدا دەخوێندرێ . ))

ڕیوایەت ھاتووە دەفەرمووێ ھەتا سێ ڕۆژ شەیتان ناتوانێ بێتە ئەو ماڵە ، بەڵام زانایان دەڵێن لاوازە .

عن سَهْلِ بْنِ سَعْدٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : (( إِنَّ لِكُلِّ شَيْءٍ سَنَامًا ، وَإِنَّ سَنَامَ الْقُرْآنِ سُورَةُ الْبَقَرَةِ ، مَنْ قَرَأَهَا فِي بَيْتِهِ لَيْلًا ؛ لَمْ يَدْخُلِ الشَّيْطَانُ بَيْتَهُ ثَلَاثَ لَيَالٍ ، وَمَنْ قَرَأَهَا نَهَارًا ؛ لَمْ يَدْخُلِ الشَّيْطَانُ بَيْتَهُ ثَلاثَةَ أَيَّامٍ )) رواه ابن حبان في صحيحه (777) . وهذا الحديث فيه ضعف ، كما بينه الشيخ الألباني في " سلسلة الأحاديث الضعيفة " (3 / 525) ، وقال : ولم نجد للحديث شاهدا نقويه به ، إلا طرفه الأول .

ابن باز ڕەحمەتی خوای لێ بێت دەفەرمووێت : (( بەڵام ماناکەی ئەوە ناگەیەنێت کە ئەگەر ڕای کرد ناھێتەوە بۆ ئەو ماڵە ، ھەروەک ڕادەکات کاتێ گوێی لە بانگ و قامەت دەبێت ، پاشان دەگەڕێتەوە و ئامادە دەبێت و وەسواس بۆ مرۆڤ دەھێنێت ، دەڵێت : بیر لە فلانە شت بکە فلانە شت ، ھەروەک فەرموودە ھاتووە لە پێغەمبەر سەلامی خوای لێ بێت . )) " مجموع فتاوى ابن باز " (24 / 413 – 414) .

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ