پرسیار // حوکمی میزی ئاژەڵ ؟
وەڵام // زانایان دەڵێن ئاژەڵ دوو جۆرە :
یەکەم : ئاژەڵێک گۆشتی حەڵاڵە ، ئەمەیان میز و پیسایی خاوێنە ، واتە مەرج نییە میزەکەی بۆ نوێژ بشۆیت .
دووەم : ئاژەڵێک گۆشتی حەڕامە ، ئەمەیان میز و پیسایی پیسە ، واتە مەرجە میزەکەی بۆ نوێژ بشۆیت .
ابن قدامە ڕەحمەتی خوای لێ بێت دەفەرمووێت : (( میز و پیسایی ئەو ئاژەڵانەی گۆشتی دەخورێت پاکە ، .... ئیمام مالک دەفەرمووێت : زانایان وای نابینن میزی ئەو ئاژەڵانەی گۆشتی دەخورێت و شیری دەخورێتەوە پیس بێت ، .... ، ابن منذر دەفەرمووێت : ھەموو زانایان یەک دەنگن لەسەر ئەوەی کە دروستە نوێژ لە شوێنی مەڕ و بزن بکەیت ، ئیلا ئیمام شافعی نەبێت مەرجی داناوە دەبێت سەلامەت بێت "پاک بێت "لە میز و پیساییەکەی . )) المغني (2/492) .
زانایانی اللجنە الدائمە دەڵێن : (( میزی ئەو ئاژەڵانەی گۆشتی دەخورێت پاکە ، ئەگەر بەر لاشە کەوت یان بەکارھێنرا بۆ لاشە ئەوا نوێژ کردن بە میزەوە دروستە . )) "فتاوى اللجنة الدائمة" (6/414) .
ابن باز ڕەحمەتی خوای لێ بێت دەفەرمووێت : (( بەڵێ ئەمە وتەی ڕاستە ، میزی ئەو ئاژەڵەی گۆشتی دەخورێت وە پیساییەکەی پاکە ، وەک وشتر و مانگا و مەڕ و بزن ، .... )) مجموع فتاوى ومقالات الشيخ ابن باز (29/107).
بگەڕێوە بۆ مجموعة الفتاوي ابن تيمية ج٢١ لاپەڕە ٥٤٢ ـ ٥٨٦
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ