دەقی وەڵام:

وەڵام // زانایان دەڵێن ھەر کەسێک نییەتی کڕینی پارجە زەوی ھەبێت ، بەڵام بە گومانە ئەم سێ حالەتانەن :

حالەتی یەکەم : ئەگەر پارچە زەوییەکی کڕی ٧٠٪‏ نییەتی بازرگانی ھەیە ، وە ٣٠٪‏ نییەتی کردنە خانووی ھەیە بۆ خۆی ، ئەمەیان زەکاتی لێ ناکەوێت .

حالەتی دووەم : ئەگەر پارچە زەوییەکی کڕی ٧٠٪‏ نییەتی کردنە خانووی ھەیە بۆ خۆی ، وە ٣٠٪‏ نییەتی بازرگانی ھەیە ، ئەمەیان زەکاتی لێ ناکەوێت .

حالەتی سێیەم : ئەگەر پارچە زەوییەکی کڕی ٥٠٪‏ نییەتی بازرگانی ھەیە ، وە ٥٠٪‏ نییەتی کردنە خانووی ھەیە بۆ خۆی ، ئەمەیان زەکاتی لێ ناکەوێت .

ابن عثیمین ڕەحمەتی خوای لێ بێت پرسیار لێی کراوە : ئەگەر مرۆڤێک بە گومان بێت بڵێت : واللە من نازانم پێ دەکەم یان دەیھێلمەوە ، نموونە : پارچە زەوییەکی ھەیە دەڵێت : نازانم بازرگانی پێ دەکەم یان دەیھێلمەوە یان خانووی لەسەر دروست دەکەم ، ئایا زەکاتی لێ دەکەوێت ؟

لە وەڵام دا دەفەرمووێت : (( زەکاتی لێ ناکەوێت ، چونکە ئەصل وایە زەکات لەسەری نییە ھەتا نییەتی بازرگانی کردنی دەبێت . )) "اللقاء الشهري" (3/5).

ھەروەھا دەفەرمووێت : (( ئەم زەوییە زەکاتی لێ ناکەوێت ئەصلەن مادەم نییەتی بڕاوەی نییە کە بۆ بازرگانی یە ، زەکاتی لێ ناکەوێت چونکە بە گومانە ، لەگەڵ گومان ئەگەر یەک لە سەدیش بێت زەکاتی لێ ناکەوێت . )) "مجموع فتاوى ابن عثيمين" (18/232).

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net