پرسیار // حیکمەت چییە سزای ناو گۆڕ غەیبی یە ؟
وەڵام // زانایان سەبارەت بە حیکمەتی باس نەکردنی سزای گۆڕ دەڵێن :
(١) ئەگەر سزای ناو گۆڕ باس بکرابا بە تفصیلی یان مرۆڤ بیبینیبا یان گوێی لێ بوایا ، ئەوە حیکمەتی تەکلیف و ئیمان ھێنان بە شتە شاراوەکان لادەچوو .
(٢) ئەگەر مرۆڤ گوێی لە سزای گۆڕ ببوایا ، ئەوە مردووەکانیان نەدەشاردەوە لە ترسان ، ھەروەک فەرموودە ھاتووە .
محمد بن عبدالرحمان الخمیس خوا بیپارێزێت دەفەرمووێت : (( سزای ناو گۆڕ شاراوەیە ، ویستی خوای گەورە وا بووە کە زۆر لە جن و مرۆڤ نایزانن ، لەبەر چەند حیکمەتێک لەوانە :
(١) ئەگەر سزای ناو گۆڕیان زانیبوایا ئەوە حیکمەتی تەکلیف و ئیمان ھێنان بە شتە شاراوەکان لادەچوو .
(٢) ئەوەی پێغەمبەر درود و سەلامی خوای لێ بێت ئاماژەی بۆ کردووە فەرمووی : " ئەگەر لەبەر ئەوە نەبوایا نەوەک ئێوە مردووەکانتان نەشارنە ، داوام لەخوا دەکرد ئێوە گوێتان لە سزای گۆڕ ببوایا وەک من گوێم لێ بووە . "
مرۆڤ دروستکراوێکی لاوازە ، ئەگەر سزای گۆڕی بینیبا یان گوێی لێ بوایا ، ئەوە ترس دەیگرت و تووشی ئەوە دەبوون کە برای موسلمانی خۆی نەنێژێت ، لەبەر ئەوە سزای گۆڕ شاراوەیە لە مرۆڤ ، لەبەر ئەوە ئاژەڵەکان ئەمەیان لەسەر نییە بۆ حوکمی سزای ناو گۆڕ ، ئەوان گوێیان لێ دەبێت ھەروەک لە ھەندێک اثار ھاتووە . )) التوضیحات الجلیة ج٣ لاپەڕە ١٠٣٦
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
Www.ferdaws.net