سەردێری پرسیار: حیکەمەت چییە میزی کوڕی شیر خۆر پڕژاندن بەسە بۆی ، بەڵام میزی کچ دەبێت بشۆردرێت ؟

بەرواری دانان :2018-12-22 کۆدی پرسیار:931

پرسیار:

پرسیار // حیکەمەت چییە میزی کوڕی شیر خۆر پڕژاندن بەسە بۆی ، بەڵام میزی کچ دەبێت بشۆردرێت ؟

دەقی وەڵام:



وەڵام // زانایان دەڵێن میز کوڕ پڕژاندن بەسە بۆی ئەگەر شیر خۆر بێت ، بەڵام میزی کچ دەبێت بشۆردرێت ، بەڵگە :

عن أَبِي السَّمْحِ رَضِيَ اللَّهُ عَنْهُ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : (( يُغْسَلُ مِنْ بَوْلِ الْجَارِيَةِ، وَيُرَشُّ مِنْ بَوْلِ الْغُلامِ )) أَخْرَجَهُ أَبُو دَاوُدَ وَالنَّسَائِيُّ ، وَصَحَّحَهُ الْحَاكِمُ .

وتە : ئەبو سەمح خوا لێی ڕازت بێت فەرمووی : پێغەمبەر درود و سەلامی خوای لێ بێت فەرمووی : (( میزی کچ بەر لەوەی کە نانە خۆرە ببێ ، ئەگەر بەر شتێ کەوت ، دەبێ بشۆردرێ ، وە میزی کوڕ بەر لەوەی نانە خۆرە ببێ ئاوی لێ دەپڕژێندرێ . ))

لەم فەرموودەیە حیکمەتی شۆردنی میز کچ و پڕژاندنی میزی کوڕی باس نەکردووە ، بۆیە ھەندێک دەڵێن حیکمەتی دیار نییە و تعبدی یە .

ابن قیم ڕەحمەتی خوای لێ بێت دەفەرمووێت : (( جیاوازی خستنە نێوان میزی کوڕ و کچ لە محاسنی شەریعەت و تەواوی حیکمەت و سوودە .

جیاوازی نێوان مناڵی كوڕ و کچ لە سێ ڕووەوەیە :

یەکەمیان : زۆری ھەڵگرتنی مناڵی کوڕ لە لایەن ژن و پیاوەوە ، ئەگەر بڵێی دەبێت بشۆیت ئەوە بارگرانی دروست دەبێت .

دووەمیان : میز کوڕ لە یەک شوێن دانابەزێت ، بەڵکو دادەبەزێت بە شێوەی جیا جیا ، گران دەبێت شۆردنی ھەموو ئەو شوێنەی میزی بەر کەوتووە ، پێچەوانەی میزی کچ .

سێیەم : میزی کچ پیسترە و بۆنی زیاترە لە میزی کوڕ ، ھۆکارەکەی حەڕاڕەتی نێرینە و ڕطوبەی کچە ، حەڕاڕەت بۆنی میز خەفیف دەکات ، ..... )) إعلام الموقعین ج٢ لاپەڕە ٥٩

ابن عثیمین ڕەحمەتی خوای لێ بێت دەفەرمووێت : (( بەھەر حال نزیکترین شت عیلەتی یەکەمە کە قەناعەت دەھێنێت بەھەموو ئیماندارێک ، ئەویش ئەوەیە ئەمە حوکمی خوا و پێغەمبەرە ، دەبێت حیکمەتی ھەبێت بەڵام ئێمە باڵا دەست نیین بەسەر ھەموو حیکمەتەکانی خوای گەورە ، پاشان عیلەتی دووەم کە باسمان کرد حەڕاڕەتی لاشە ، ئەمە و ئەمە کۆ دەبێتەوە ، میز خەفیف دەبێت بە بەڵگەی جیاوازی بۆنیان . )) فتح ذي الجلال والإكرام ج١ لاپەڕە ٢١٦

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net

لیستی بەشەکانی پرسیار و وەڵام