دەقی وەڵام:

وەڵام : زانایان دەڵێن میزی مناڵی شیرخۆر دەپڕژێندرێ ئەگەر کوڕ بوو ، بەڵام ھی کچ دەشۆردرێت ، بەڵگە :

(١) عن أَبِي السَّمْحِ رَضِيَ اللَّهُ عَنْهُ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : (( يُغْسَلُ مِنْ بَوْلِ الْجَارِيَةِ، وَيُرَشُّ مِنْ بَوْلِ الْغُلامِ )) أَخْرَجَهُ أَبُو دَاوُدَ وَالنَّسَائِيُّ ، وَصَحَّحَهُ الْحَاكِمُ .

وتە : ئەبو سەمح خوا لێی ڕازت بێت فەرمووی : پێغەمبەر درود و سەلامی خوای لێ بێت فەرمووی : (( میزی کچ بەر لەوەی کە نانە خۆرە ببێ ، ئەگەر بەر شتێ کەوت ، دەبێ بشۆردرێ ، وە میزی کوڕ بەر لەوەی نانە خۆرە ببێ ئاوی لێ دەپڕژێندرێ . ))

ئەم فەرموودەیە بەڵگەیە پیسایی کوڕ و کچی شیر خۆ وەک یەکن ، چونکە فەرموودەکە تەنھا جیاوازی خستۆتە نێوان میزی کوڕ و کچی شیر خۆر ، ماناکەی ئەوە دەگەیەنێت لە پیسایی دا وەک یەکن .

ابن عثیمین ڕەحمەتی خوای لێ بێت دەفەرمووێت : (( پیسایی کوڕ و کچی شیر خۆر وەک یەک وان ، چونکە جیاوازی تەنھا لە میز ھەیە ، پیسایی وەک خۆی ماوەتەوە ھی ھەردووکیان وەک یەکن . )) فتح ذي الجلال والإكرام ج١ لاپەڕە ٢١٧ .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Www.ferdaws.net